Антона Ігаравіча Навумава затрымалі 27 кастрычніка 2022 года ў Гродна. Пра гэта стала вядома з праўладных тэлеграм-каналаў.

Мужчыну паставілі ў віну ўдзел у пратэстах у 2020 годзе.

У 2020 годзе Антон Навумаў быў студэнтам Гродзенскага дзяржаўнага медычнага ўніверсітэту. На момант затрымання працаваў доктарам у кардыялагічным аддзяленні Рэспубліканскага навукова-практычнага цэнтру і жыў у Мінску.

У Кастрычніцкім судзе Гродна 4 студзеня 2023 года яго асудзілі паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Маргарыта Ланцэвіч асудзіла Антона на два з паловай гады абмежавання волі з накіраваннем у папраўчую ўстанову адкрытага тыпа (“хімію”).

Знаходзіцца ў эміграцыі.

24 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Маладога кардыёлага асудзілі на два з паловай гады "хіміі" за пратэсты 2020

У Кастрычніцкім судзе Гродна 4 студзеня асудзілі Антона Навумава паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Маргарыта Ланцэвіч асудзіла Антона на два з паловай гады абмежавання волі з накіраваннем у папраўчую ўстанову адкрытага тыпа (“хімію”).

Чарговы карны палітычны прысуд у Гародні

4 студзеня ў судзе Кастрычніцкага раёну Гародні адбыўся чарговы палітычны карны працэс – “разглядалася” крымінальная справа Антона Навумава.