Антона Паўлавіча Малюгу асудзілі па двух артыкулах Крымінальнага кодэкса: ч. 1 арт. 361-4 (садзейнічанне экстрэмісцкай дзейнасці) і ч. 1 арт. 375-1 (незаконнае збіранне звестак, якія складаюць дзяржаўныя сакрэты).

Мужчыну абвінавацілі ў тым, што ён у першыя дні вайны ва Украіне "збіраў каля Пінску звесткі аб размяшчэнні вайсковых часцей", на мапе Беларусі адзначыў месца размяшчэння вайсковых часцей і скінуў яе чалавеку ва Украіне, а таксама дасылаў тэксты ў "экстрэмісцкі тэлеграм-бот". Суддзя Мікалай Сянько 1 верасня 2022 г. асудзіў Антона Малюгу да трох гадоў калоніі ва ўмовах агульнага рэжыму. 

Палітвязень адбывае пакаранне ў наваполацкай ПК № 1.

У верасні 2024 г. стала вядома, што палітвязня перавялі ў памяшканне камернага тыпу.

"Збіраў каля Пінску звесткі аб размяшчэнні воінскіх часцей". Драгічынца асудзілі да трох гадоў калоніі

У Брэсцкім абласным судзе 1 верасня вынеслі прысуд 33-гадоваму ураджэнцу Драгічына Антону Малюгу па двух артыкулах Крымінальнага кодэкса: ч. 1 арт. 361-4 (садзейнічанне экстрэмісцкай дзейнасці) і ч. 1 арт. 375-1 (незаконныя збіранне звестак, якія складаюць дзяржаўныя сакрэты). Мужчыну абвінавацілі ў тым, што ён у першыя дні вайны ва Украіне "збіраў каля Пінску звесткі аб размяшчэнні воінскіх часцей", на мапе Беларусі адзначыў месца размяшчэння воінскіх часцей і скінуў яе чалавеку ва Украіне, а таксама скідаў тэксты ў "экстрэмісцкія тэлеграм-бот". Суддзя Мікалай Сенько асудзіў Антона Малюгу да трох гадоў калоніі ва ўмовах агульнага рэжыму, піша "Брэсцкая Вясна". Суд праходзіў у закрытым рэжыме.