Антон Сяргеевіч Лысаў — грамадзянін Расіі, жыхар Чабаксараў, прыехаў у Мінск, але неўзабаве быў затрыманы. У Антона са сваякоў засталася адна бабуля, якой больш за 80 гадоў.

Разам з Антонам па гэтай справе быў затрыманы і Захар Таразевіч. Вядома, што хлопцаў затрымалі неўзабаве пасля падпалу аўтамабіля 1 кастрычніка 2021 года паводле абвінавачвання ў "тэрарызме", аднак іх дзеянні потым перакваліфікавалі. У выніку, іх абвінавацілі па ч. 1 арт. 14 і ч. 3 арт. 218 (замах на наўмыснае знішчэнне чужой маёмасці, учыненым агульнанебяспечным спосабам, арганізаванай групай, якое пацягнула прычыненне шкоды ў асабліва буйным памеры) і ч. 3 арт. 218 (наўмыснае знішчэнне і пашкоджанне чужой маёмасці, здзейсненыя агульнанебяспечным спосабам, арганізаванай групай, якія пацягнулі прычыненне шкоды ў асабліва буйным памеры) Крымінальнага кодэкса. З абвінавачаных у даход дзяржавы спагнаныя вялікія сумы: з Лысава — 1 855 рублёў 70 капеек, з Тарасевіча — 239 рублёў 10 капеек. Таксама ў іх канфіскавалі мабільныя тэлефоны ў парадку спецыяльнай канфіскацыі.

У судзе Цэнтральнага раёна Мінска 2 лістапада 2022 года суддзя Таццяна Акавітая асудзіла Захара да сямі з паловай гадоў калоніі, а Антона — да 10 гадоў калоніі ва ўмовах узмоцненага рэжыму. Справа разглядалася ў закрытым рэжыме.

Утрымліваўся ў СІЗА-1. Пасля быў пераведзены ў СІЗА-2. У пачатку сакавіка 2023 г. стала вядома, што Антона этапавалі ў ПК № 3.

Увосень 2023 года быў экстрадаваны ў Расію, бо пагадзіўся ваяваць на яе баку.

Двух хлопцаў асудзілі да 7,5 і 10 гадоў калоніі за падпал аўтамабіля старшыні Дзяржаўнага камітэта судовых экспертыз

У судзе Цэнтральнага раёна Мінска ў закрытым рэжыме разглядзелі крымінальную справу за падпал аўтамабіля старшыні Дзяржаўнага камітэта судовых экспертыз Беларусі Аляксея Волкава ў кастрычніку мінулага году. Вінаватымі прызналі двух хлопцаў — 19-гадовага Захара Таразевіча і 23-гадовага Антона Лысова. Вядома, што адразу супраць іх распачалі крымінальныя справы за "тэрарызм", аднак потым іх дзеянні перакваліфікавалі на "знішчэнне маёмасці" (арт. 218 Крымінальнага кодэкса). 2 лістапада суддзя Таццяна Акавітая асудзіла Захара да сямі з паловай гадоў калоніі, а Антона — да 10 гадоў калоніі ва ўмовах узмоцненага рэжыму. Таксама з іх спагналі вялікія сумы за спалены аўтамабіль.