Пакуль Антона Анатольевіча Андрэнку ўтрымлівалі на Акрэсціна, супрацоўнікі знайшлі ў яго сямейнае фота з аднаго з Маршаў у 2020-м годзе. За гэта супраць яго ўзбудзілі крымінальную справу паводле ч. 1 арт. 342 Крымінальнага кодэкса (актыўны ўдзел у групавых дзеяннях, якія груба парушаюць грамадскі парадак). Дырэктара кампаніі "Авангард Лізінг" змясцілі пад варту ў СІЗА-1, дзе ўтрымлівалі некалькі месяцаў да суда. Яго затрымалі восенню 2022 года па "даносе неабыякавых грамадзян". Паводле папярэдняй інфармацыі, яго судзілі шэсць разоў агулам на 90 сутак.

13 сакавіка 2023 года ў судзе Ленінскага раёна Мінск Антона Андрэнку асудзілі да двух гадоў і шасці месяцаў абмежавання волі без накіравання ў папраўчую ўстанову адкрытага тыпу. Справу разглядала суддзя Марына Клімчук. Бізнэсоўца вызвалілі ў зале суда.

Дырэктара буйной кампаніі асудзілі на 2,5 гады "хатняй хіміі" па сямейнаму фота з Маршу

У судзе Ленінскага раёна Мінска 13 сакавіка паводле ч. 1 арт. 342 Крымінальнага кодэкса (удзел у групавых дзеяннях, якія груба парушаюць грамадскі парадак) асудзілі дырэктара ЗАТ "Авангард Лізінг" Антона Андрэнку. Суддзя Марына Клімчук прызначыла яму два з паловай гады "хатняй хіміі". Да гэтага бізнэсоўца ўтрымлівалі тры месяцы на Акрэсціна за "рэпосты экстрэмісцкіх матэрыялаў", а потым перавялі на Валадарку па крымінальным артыкуле.