Антаніна Мартыненка
Дата нараджэння: 9 чэрвеня 1952
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: вызвалены ад крымінальнай адказнасці
Суддзя: Богнат Ала, Бабаскін Аляксандр
70-гадовую жанчыну ў Кобрыне хацелі асудзіць за абразу даішніка, які прыціснуў нагой галаву пратэстуючага. Але суд пастанавіў справу спыніць у сувязі з заканчэннем тэрміну даўніны
28 чэрвеня 2020 года Антаніна Мартыненка ў «Аднакласніках» пакінула пад фатаграфіяй супрацоўніка ДАІ Ігара Вольніча каментар са словам «мразь».
Амаль праз два гады, 27 чэрвеня 2022 года, крымінальную справу за гэты каментар пачалі разглядаць у кобрынскім судзе. Але ў першы дзень паседжання аказалася, што позву Антаніна Дзмітрыеўна атрымала менш чым за 5 сутак да суда.
Гэта стала падставай для таго, каб адкласці паседжанне, а потым і зусім, у сувязі з заканчэннем тэрміну даўніны (2 гады), спыніць справу.
Аднак тэлефон пенсіянеркі суддзя Ала Богнат усё роўна вырашыла канфіскаваць.
4 жніўня Кобрынскі суддзя Аляксандр Бабаскін разгледзеў пазоў Ігара Вольніча аб матэрыяльнай кампенсацыі яго маральнай шкоды. І пагадзіўся з ім-праўда, часткова. Вольніч хацеў атрымаць 1500 беларускіх рублёў, але суддзя пастанавіў, што Антаніна Мартыненка павінна заплаціць яму 700 рублёў.