Андрэй Валер'евіч Пазняк - праграміст, вучыўся ў кадэцкім класе, выдатна скончыў Ліцэй БДУ. 

Затрыманы ў межах справы аб масавых беспарадках (арт. 293 КК).

— Пасля затрымання і дастаўлення ў будынак ГУБАЗіК МУС на вуліцы Рэвалюцыйнай, 3, некалькі чалавек яго збілі, потым уключылі відэакамеру і патрабавалі, каб ён прызнаўся, што арганізоўваў і ўдзельнічаў у масавых беспарадках. Здымалі чатыры разы, кожны раз удакладнялі, што ён павінен сказаць. У выніку запісалі нейкія ролікі і больш ніякіх дзеянняў з ім не праводзілі, перадае расказ Андрэя яго адвакат Павел Піваварчык. 

Быў моцна збіты. Знаходзіўся ў СІЗА-1 да суда.

На судзе стала вядома, што артыкул Андрэя перакваліфікавалі на 342 Крымінальнага кодэксу - Актыўны ўдзел у групавых дзеяннях, груба парушаючых грамадскі парадак. 

У судзе Кастрычніцкага раёна Мінска 5 лютага 2021 года быў абвешчаны прысуд Андрэю Пазняку: тры гады абмежавання волі з накіраваннем ва ўстанову адкрытага тыпу ("хімія").

Цяпер Андрэй знаходзіцца за межамі Беларусі.

Гісторыя 28-гадовага айцішніка Андрэя Пазняка

Андрэй быў затрыманы на выхадзе з цырульні і дастаўлены ў Галоўнае ўпраўленне па барацьбе з арганізаванай злачыннасцю і карупцыяй.

“Цяжка даказваць што белае - гэта белае”. У Мінску вынеслі прысуд айцішніку Андрэю Пазняку

У судзе Кастрычніцкага раёна Мінска 5 лютага абвешчаны прысуд 28-гадоваму айцішніку Андрэю Пазняку. Яго абвінавацілі па крымінальным артыкуле за арганізацыю і падрыхтоўку дзеянняў, якія груба парушаюць грамадскі парадак (ч.1 арт 342 КК РБ).