Андрэй Уладзіміравіч Дуброўскі — ураджэнец гарадскога пасёлка Краснасельскі, абвінавачаны ў абразе Лукашэнкі (арт. 368 КК). Суд Ваўкавыскага раёна разглядаў ягоную справу 3 кастрычніка 2022 года.

Мужчыну судзілі за лайк пад партрэтам Лукашэнкі "з каментаром абразлівага характару" ў адной з груп сацыяльнай сеткі "Аднакласнікі".

Першапачаткова Дуброўскому прызначылі адміністрацыйнае затрыманне 28 ліпеня за лайк пад здымкам з мірных мітынгаў, якія адбыліся пасля прэзідэнцкіх выбараў у 2020 годзе. Тады рашэннем суда мужчына атрымаў 15 сутак арышту паводле арт. 19.11 КаАП. 

На працягу гэтага часу Дуброўскаму выставілі абвінавачванне ў абразе Лукашэнкі, таму на волю ён выйшаў 15 жніўня з падпіскай аб нявыездзе.

Крымінальную справу ў дачыненні да Дуброўскага разглядаў суддзя Мікалай Талашка. Ён вынес прысуд — 1 год і 6 месяцаў абмежавання волі з накіраваннем у ПУАТ № 36. Гэта на паўгода менш за тэрмін, які патрабаваў дзяржаўны абвінаваўца.

З 29 ліпеня 2022 года адбывае пакаранне.

Выйшаў на волю 15 красавіка 2024 г. 

Лайк — гэта абраза

3 кастрычніка 2022 года, як паведамляе MAYDAY.TEAM, суд Ваўкавыскага раёна разгледзеў крымінальную справу за "абразу прэзідэнта" (арт. 368 КК). Абвінавачаны — Андрэй Дуброўскі, ураджэнец гарадскога пасёлка Краснасельскі.