Андрэй Жулякоў

Дата затрымання: 16 чэрвеня 2021

Прад'яўленыя абвінавачванні:

арт. 368 Крымінальнага кодэксу - Абраза Прэзідэнта Рэспублікі Беларусь

Вынік суда: 1 год

Від пакарання: пазбаўленне волі ў калоніі агульнага рэжыму

Судзьдзя: Колабаў Антон

Пракурор: Касінская К.

Заява аб прызнанні палітвязнем

Андрэй Жулякоў - жыхар Заслаўя, асуджаны на 1 год пазбаўлення волі ў калоніі агульнага рэжыму па крымінальнай справе аб абразе Аляксандра Лукашэнкі (арт. 368 Крымінальнага кодэксу - Абраза прэзідэнта).

Андрэя, а таксама Аксану Марцешкіну затрымалі ўначы з 26 на 27 лютага за развешванне ў Заслаўі ўлётак з карыкатурамі Лукашэнкі. Пасля затрымання яны па трое сутак правялі ў Мінскім раённым ІЧУ на вул. Скарыны, затым знаходзіліся пад хатнім арыштам.

Аксана Марцешкіна не з’явілася на першае судовае пасяджэнне. Яе справа прыпыненая, яна абвешчаная ў вышук. Жулякову ж прысудзілі адзін год калоніі і ўзялі пад варту ў зале суда.

Год калоніі – за абразу Лукашэнкі

У судзе Мінскага раёна 16 чэрвеня разгледжана крымінальная справа жыхароў Заслаўя Андрэя Жулякова і Аксаны Марцешкінай па абвінавачванні іх паводле арт. 368 Крымінальнага кодэкса.