Андрэй Веразубаў
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Суддзя: Шчоткіна Юлія
Месца зняволення: Знаходзіцца на волі да пачатку адбыцця пакарання
Андрэй Веразубаў мае вышэйшую адукацыю. Працаваў спецыялістам у таварыстве з абмежаванай адказнасцю.
У судзе Ленінскага раёна 27 лютага 2023 года яго асудзілі паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Юлія Шчоткіна прызначыла Андрэю тры гады абмежавання волі з накіраваннем у папраўчую ўстанову адкрытага тыпу ("хіміі”).
Намеснік пракурора Ленінскага раёна Мінска заявіў пазоў аб спагнанні з Веразубава на карысць Мінсктранса маёмаснай шкоды памерам 86515 рублёў. Пазоў будзе разглядацца ў парадку грамадзянскай вытворчасці.
“Дэманстраваў пратэсны сімвал указальным і сярэднім пальцамі рук”. Мужчыну асудзілі за ўдзел у пратэстах на тры гады “хіміі”
