43-гадовага жыхара Оршы Андрэя Уладзіміравіча Рускіх расейская паліцыя затрымала ў траўні 2022 года ў Санкт-Пецярбургу. У студзені 2023 году мужчыну перавезлі з Расіі ў Беларусь. Ён будзе знаходіцца ў СІЗА №2 Віцебска пакуль пройдуць следства і судовы разгляд ягонай крымінальнай справы.

Улады вінавацяць Андрэя ў «абразе Лукашэнкі» (арт. 368 КК Беларусі) і «распальванні варожасці» (арт. 130 КК Беларусі) за каментары ў інтэрнеце. Але судзіць у выніку будуць толькі па арт. 130 КК. 

Утрымліваўся ў СІЗА-2. 

Андрэя асудзілі 20 верасня 2023 г. у Віцебскім абласным судзе на закрытым пасяджэнні паводле артыкула 130 ч.1. Справу разглядала Галіна Бондал. Яна прысудзіла Андрэю 1 год і 6 месяцаў калоніі. Адбываў тэрмін у ПК № 22. 

12 кастрычніка 2023 г. КДБ унёс Андрэя ў "спіс тэрарыстаў". 

13 кастрычніка 2023 г. МУС унесла Андрэя ў "спіс экстрэмістаў". 

Згодна з падлікамі выйшаў на волю ў верасні 2024 г. 

Пакінуў каментары пра вайскоўцаў і Лукашэнку. Што вядома пра пераслед аршанца, якога Расія выдае беларускім уладам

"Вясна" распавядае, што вядома пра пераслед аршанца і як расійскі суд абгрунтаваў тое, што пераслед беларуса не з'яўляецца палітычна матываваным.