Андрэй Ражкоў

Дата нараджэння: 24 чэрвеня 1972

Дата затрымання: 17 лістапада 2021

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
арт. 369 Крымінальнага кодэкса — Абраза прадстаўніка ўлады
арт. 130 Крымінальнага кодэкса — Распальванне варожасці ці варажнечы
арт. 391 Крымінальнага кодэкса — Абраза суддзі

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Бубенчык Дзмітрый

Заява аб прызнанні палітвязнем

У спісе «тэрарыстаў» (грашовыя пераводы забароненыя)

У Гродзенскім абласным судзе 5 траўня да трох гадоў калоніі асудзілі Андрэя Аляксандравіча Ражкова. Яго абвінавацілі па чатырох артыкулах Крымінальнага кодэкса: ч. 1 арт. 130 (Распальванне іншай сацыяльнай варожасці), арт. 364 (Пагроза гвалтам у адносінах да супрацоўніка міліцыі), арт. 391 (Абраза суддзі), арт. 369 (Абраза прадстаўніка ўлады).

У чым канкрэтна абвінавацілі мужчыну пакуль невядома. Вядома, што пад вартай яго ўтрымліваюць з 17 лістапада 2021 года.
Справу разглядаў суддзя Дзмітрый Бубенчык.

Утрымліваўся ў гродзенскай Турме № 1. Актуальнае месцазнаходжанне ўдакладняецца.

Чатыры артыкулы адразу

5 траўня ў Гродзенскім абласным судзе да трох гадоў калоніі асудзілі 50-гадовага Андрэя Ражкова. Яго абвінавацілі адразу паводле чатырох артыкулаў Крымінальнага кодэкса: распальванне сацыяльнай варожасці (ч. 1 арт. 130 КК), пагроза гвалтам у дачыненні да супрацоўніка міліцыі (арт. 364 КК), абраза суддзі (арт. 391 КК), абраза прадстаўніка ўлады (арт. 369 КК). Пра гэта паведамляе “Гарадзенская праваабарона”.