Андрэй Патрэбка
Дата нараджэння: 18 красавіка 1976
Дата затрымання: 24 снежня 2021
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
арт. 368 Крымінальнага кодэкса — Абраза прэзідэнта Рэспублікі Беларусь
Вынік суда: 4 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Суддзя: Баліка Віктар, Бясецкі Уладзімір
Пракурор: Коцур Таццяна, Гаралевіч Валерыя
У судзе Полацка і Полацкага раёна судзяць мясцовага жыхара Андрэя Патрэбку, які, па версіі следства, абразіў прэзідэнта Беларусі (ч.1 арт. 368 Крымінальнага кодэкса). Прычым рабіў гэта ў абразлівай і цынічнай манеры больш чым два дзесяткі разоў.
Справу разглядае суддзя Віктар Баліка, дзяржабвінаваўца — Таццяна Коцур.
Судовы працэс пачаўся 5 траўня. Сваю віну Андрэй Патрэбка ў судзе прызнаў цалкам.
Суд у Полацку: мужчына цэлы год абражаў прэзідэнта ў сацсетках — у справе больш за дваццаць эпізодаў
Пад час судовых спрэчак дзяржабвінаваўца Таццяна Коцур паведаміла, што Андрэй Патрэбка 25 разоў у перыяд з 5 жніўня 2020 года па 11 жніўня 2021 года у сацыяльных сетках “Аднакласнікі” і “ВКонтакце” размяшчаў тэксты і каментарыі абразлівага характара у дачыненні да прэзідэнта Беларусі. Просіць суд прызнаць Патрэбку вінаватым у абразе прэзідэнта і прызначыць яму пакаранне ў выглядзе абмежавання волі без накіравання ва ўстанову адкрытага тыпу тэрмінам на 3 гады. Тэлефон падвергнуць спецыяльнай канфіскацыі.
Абвінавачанне запрасіла тры гады "хатняй хіміі" для жыхара пасёлка Фарынава за абразу прэзідэнта
Суд пастанавіў прызнаць Андрэя Патрэбку віноўным і вынес наступнае пакаранне: тры гады абмежавання волі без накіравання ва ўстанову адкрытага тыпу ("хатняя хімія").
Пасля 8 месяцаў зняволення Патрэбка вызвалены з-пад варты ў залі суда.
Тры гады "хатняй хіміі" за шматразовую абразу прэзідэнта: у Полацку вынесены прысуд Андрэю Патрэбку
Новы суд павінен быў распачацца 22 чэрвеня, аднак па прычыне хваробы і дрэннага стану здароўя перанесены на 28 чэрвеня.
Пасля перапынку ў судзе выявілася, што ў суд паступіла заява ад Юрыя Караева, які лічыць сябе пацярпелым па справе і просіць суд спагнаць з абвінавачанага матэрыяльную кампенсацыю маральнай шкоды ў памеры 1 000 рублёў. У выніку судовае следства было на некаторы час адноўленае.
Суддзя Уладзімір Бясецкі прысудзіў Патрэбку чатыры гады абмежавання волі ва ўстанове адкрытага тыпу ("химия").
Жыхара Фарынава спачатку асудзілі за абразу прэзідэнта, а потым за абразу чыноўнікаў