Андрэй Аляксандравіч Кандратовіч быў затрыманы ў Гродне паводле крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Андрэй праходзіць па крымінальнай справе па артыкулах 369 КК (Абраза прадстаўніка ўлады) і 130 КК (Распальванне сацыяльнай варожасці).

У канцы лістапада 2021 з'явілася інфармацыя пра перавод Андрэя са Следчай турмы № 8 у гродзенскі СІЗА.

14 чэрвеня 2022 г. КДБ унёс Андрэя ў спіс "асобаў, якія датычныя да тэрарыстычнай дзейнасці".

У Гродзенскім абласным судзе 1 ліпеня 2022 г. палітвязня прызналі вінаватым і асудзілі да двух гадоў зняволення ва ўмовах агульнага рэжыму. 20 верасня Вярхоўны суд разглядзеў апеляцыйную скаргу: у выніку прысуд Андрэю быў пакінуты без зменаў.

29 верасня 2022 г. палітвязня этапавалі ў шклоўскую ПК № 17.

Андрэй цалкам адбыў пакаранне і 4 красавіка 2023 г. выйшаў на волю.