Андрэй Іванавіч Грыва — жыхар Віцебска, 12 ліпеня 2021 года асуджаны на два гады пазбаўлення волі ў калоніі агульнага рэжыму па крымінальнай справе, узбуджанай па трох артыкулах Крымінальнага кодэксу: 

• арт.369 КК (Абраза прадстаўніка ўлады). За тое, што абразіў Мікалая Карпянкова (былога кіраўніка ГУБАЗік), Лідзію Ярмошыну (старшыню ЦВК), Аліну Касьянчык (пракурорку ў палітычна-матываваных крымінальных справах), Вадзіма Дзянісенку (военачальніка), Віктара Сташэнку ды іншых.
• арт. 391 КК (Абраза суддзі). За тое, што абразіў Марыну Запаснік (суддзю суда Ленінскага раёна горада Мінска) і Наталлю Бугук (суддзю суда Фрунзенскага раёна горада Мінска).
• арт. 368 КК (Абраза прэзідэнта). За тое, што абразіў Лукашэнку.

Утрымліваўся ў СІЗА-2. Адбывае пакаранне ў ПК № 22.

Па падліках праваабаронцаў, летам 2023 г. выйшаў на волю, цалкам адбыўшы тэрмін.

Лукашэнка, Ярмошына, Карпянкоў, Касьянчык і суддзі… усе пацярпелі

Суддзя суда Кастрычніцкага раёна горада Віцебска Будрэвіч 12 ліпеня пачаў разглядаць крымінальную справу ў дачыненні да Андрэя Грывы. 40-гадовага мужчыну звінавацілі адразу па трох дыфамацыйных артыкулах крымінальнага кодэкса.