Андрэй Герасімовіч
Дата нараджэння: 16 сакавіка 2000
Дата затрымання: 18 чэрвеня 2021
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 2 гады і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 8 лістапада 2023
Суддзя: Федаровіч Уладзімір
Пракурор: Роўба Арцём
Заява аб прызнанні палітвязнем
Сімвалічны/ая хросны/ая: Яспер ван Дэйк, сябар галандскага Tweede Kamer
Андрэй Іванавіч Герасімовіч — жыхар Гродна, студэнт Гродзенскага дзяржаўнага ўніверсітэту імя Янкі Купалы.
Андрэю было прад'яўлена абвінавачванне па крымінальнай справе па арт. 364 Крымінальнага кодэкса (Гвалт у дачыненні да супрацоўнікаў міліцыі) і арт. 342 КК (Групавыя дзеянні, груба парушаючыя грамадскі парадак). Згодна з абвінавачваннем, Герасімовіч і яшчэ чатыры чалавекі, дзейнічаючы ў групе з іншымі асобамі, кідалі часткі тратуарнай пліткі і іншыя прадметы ў міліцэйскія машыны. Андрэй прызнаў сабе вінаватым часткова.
18 чэрвеня 2021 г. яму прысудзілі два з паловай гады пазбаўлення волі і ўзялі пад варту ў зале суда.
Паводле інфармацыі праваабаронцаў, адміністрацыя ПК № 2 прыкладна з сярэдзіны красавіка 2023 г. змясціла палітвязня ў ШІЗА. Прычыны невядомыя, але рапартаў было складзена шмат. Паведамляецца, што Андрэя могуць утрымліваць там да 100 сутак. Акрамя гэтага, яго папярэдзілі, што могуць "накінуць" тэрмін паводле новай крымінальнай справы. Таксама Андрэя пераводзілі ў ПКТ тэрмінам на 5 месяцаў.
8 лістапада 2023 г. Андрэй выйшаў на волю. Перад вызваленнем апошнія 8 сутак яго ўтрымлівалі ў ШІЗА.
