Андрэй Мікалаевіч Бяляўскі — прадпрымальнік і TikTok-блогер з Бабруйска, быў затрыманы 28 красавіка 2022 г. наўпрост на месцы працы — у сваёй краме "Веласпортмайстар". Разам з мужчынам забралі і ягонага непаўнагадовага сына. Потым сына адпусцілі — аддалі бабулі з дзядулем. Пасля затрымання ГУБАЗіК захапіў акаўнт Бяляўскага ў TikTok.

Яму выставілі абвінавачванні ў аб абразе прэзідэнта (арт. 368 Крымінальнага кодэксу). Да суда Андрэя змясцілі ў бабруйскі СІЗА-5.

22 жніўня 2022 г. у закрытым рэжыме ў судзе Бабруйскага раёна і г. Бабруйска разглядалі справу палітвязня. Андрэя Бяляўскага прызналі вінаватым, яму прызначылі 2 гады зняволення ў калоніі ва ўмовах агульнага рэжыму.

2 снежня 2022 г. МУС дадаў Андрэя ў "спіс экстрэмістаў".

Андрэй Бяляўскі адбываў пакаранне ў ПК № 3.

Выйшаў на волю 5 студзеня 2024 г. 

Палітзняволенага TikTok-блогера Андрэя Бяляўскага асудзілі за паўдня да двух гадоў калоніі

TikTok-блогера прызналі вінаватым у абразе Лукашэнкі па арт. 368 Крымінальнага кодэкса, але падрабязнасці невядомыя, бо суд праходзіў у закрытым рэжыме. Суддзя Антон Дудаль пачаў разглядаць справу раніцай, а пасля абеду ўжо вынес прысуд.

Раней да яго прыязджалі журналісты АНТ, а цяпер — АМАП. Што вядома пра затрыманне 45-гадовага тыктокера

«Павалілі на падлогу і спыталі: ведаеш, за што?». Блогера скруцілі ў яго бабруйскай краме.