Андрэй Іванавіч Аўсіевіч — жыхар Гродна, асуджаны на тры гады і шэсць месяцаў пазбаўлення волі ў калоніі агульнага рэжыму па двух артыкулах Крымінальнага кодэксу:

• арт. 369 КК (Абраза прадстаўніка ўлады);
• ч. 1 арт. 130 КК (Распальванне расавай, нацыянальнай, рэлігійнай альбо іншай сацыяльнай варожасці);

Паводле следства, 14 лістапада 2020 года Аўсіевіч са свайго камп'ютара ў адным з Telegram-чатаў размясціў зняважлівую інфармацыю пра ўчастковага, чым публічна яго абразіў. Затым 20 снежня размясціў у свабодным доступе ў інтэрнэце паведамленне пра здзяйсненне акту тэрарызму у адносінах да супрацоўнікаў МУС. Першапачаткова развагі Герасіменкі ў Telegram-канале пра лёс міліцыянтаў пасля пераменаў у Беларусі кваліфікавалі паводле арт. 361 КК "Прычыненне шкоды нацыянальнай бяспецы Беларусі", але пасля іх расцанілі як распальванне сацыяльнай варожасці (ч. 1 арт. 130 КК).

У канцы лютага 2022 стала вядома аб пераводзе Андрэя з Турмы № 1 у папраўчую калонію № 15.

28 чэрвеня 2022 г. КДБ унёс палітвязня ў спіс асобаў, "датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Выйшаў на волю 15 чэрвеня 2024 г. 

Сына святара з Гродна асудзілі на тры з паловай гады калоніі за распальванне варожасці

Дзяржабвінаваўца палічыла, што яго каментары ў Telegram-канале пра далейшы лёс супрацоўнікаў міліцыі падпадаюць пад дзеянне артыкула аб распальванні расавай, нацыянальнай, рэлігійнай альбо іншай сацыяльнай варожасці або (ч.1 арт. 130 КК — да пяці гадоў пазбаўлення волі).

Гродзенцу Андрэю Аўсіевічу выставілі новае, больш жорсткае абвінавачанне

У Гродзенскім абласным судзе 26 лістапада працягнуўся разгляд крымінальнай справы Андрэя Аўсіевіча. Дагэтуль яго вінавацілі у абразе прадстаўніка ўлады па арт. 369 Крымінальнага кодэкса і арт 361 КК (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь). Пасля працяглага перапынку ў працэсе Аўсіевічу вылучылі новае абвінавачванне.

Андрэй Аўсіевіч: “Нікога на групы не дзяліў, да гвалту і забойстваў не заклікаў!"

У Гродзенскім абласным судзе 3 верасня працягваецца разгляд крымінальнай справы Андрэя Аўсіевіча. Яго вінавацяць у абразе прадстаўніка ўлады па арт. 369 Крымінальнага кодэкса і арт 361 КК (Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь).