Анатоль Русецкі
Дата нараджэння: 14 сакавіка 1962
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 2 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Трусевіч Максім
Пракурор: Лаўрыновіч Вольга
Суд Першамайскага раёна Мінска 30 ліпеня 2021 года вынес прысуд Анатолю Русецкаму, які абвінвачваўся па арт. 369 Крымінальнага кодэкса ў абразе праўстаўніка ўлады.
Справу разглядаў суддзя Максім Трусевіч, бок дзяржабвінавачвання прадстаўляла Лаўрыновіч.
Згодна з абвінавачваннем, Анатоль Русецкі 29 кастрычніка 2020 года быў дома, меў намер на абразу супрацоўніка міліцыі Аляксандра Краўчанкі з мэтай прычынення яму маральных пакутаў, пакінуў каментар пад выявай з апісаннем Краўчанкі ў тэлеграм-канале “Каратели Беларуси” з нецэнзурнай лексікай, чым публічна абразіў прадстаўніка ўлады.
У апошнім слове абвінавачаны прасіў прабачэння ў пацярпелага, паменшыць яму тэрмін пакарання і не канфіскоўваць тэлефон.
Рашэнне было вынесена 30 ліпеня. Суддзя Максім Трусевіч палічыў віну Анатоля Русецкага даказанай і прызначыў яму два гады абмежавання волі без накіравання ў папраўчую установу адкрытага тыпу (“хатнюю хімію”). Таксама суд пастанавіў сплаціць кампенсацыю маральнай шкоды пацярпеламу ў памеры 1000 рублёў, а мабільны тэлефон канфіскаваць як сродак здзяйснення злачынства.
Што напісана — не памятаю, але абражаным застаўся