Анастасія Уладзіміраўна Нікіціна - жыхарка Мінска, мае дваіх непоўнагадовых дзяцей. Была затрымана за раскіданыя каля пракуратуры Мінска самарэзы.

Па матэрыялах следства,яна і Святлана Лабунская, груба парушаючы грамадскі парадак, у складзе групы асоб раскідалі 13 снежня каля 45 металічных самарэзаў на тэрыторыі каля пракуратуры Мінска на вул. Якубоўскага, 20.

Аўтамабіль, за рулём якога быў пацярпелы Клінцэвіч, напароўся на гэтыя самарэзы, былі прабітыя два колы. Матэрыяльны ўрон склаў 36 рублёў 18 капеек.

27 снежня 2020 года жанчыны ізноў намерваліся паўтарыць свае дзеянні, аднак былі затрыманыя.

На судзе Нікіціна заявіла, што яе пры затрыманні паклалі на зямлю, надзелі кайданкі, а потым у бусе збілі.  Сказала, што ў яе было дрэннае самаадчуванне. Не кармілі доўга, а ў яе дыябет. Цукар ўпаў, а ёй адмаўляліся выклікаць хуткую.

Самарэзы раскідвалі бо бачылі, што па нядзелях адтуль бусы выязджалі з людзьмі ў чорным, якія потым жорстка людзей затрымлівалі.

Жанчынам было прад'яўлена абвінавачванне па ч. 2 артыкула 339 Крымінальнага кодэксу (злоснае хуліганства), а таксама ч.1 арт. 14 КК (замах на здзяйсненне злачынства).

3 сакавіка 2021 года ў судзе Фрунзенскага раёна Мінска вынесены прысуд: Анастасіі Нікіцінай - 1 год і 1 месяц пазбаўлення волі ў папраўчай калоніі агульнага рэжыму.

Як стала вядома праваабаронцам «Вясны», 40-гадовая Анастасія Нікіціна напрыканцы лістапада 2021 года была вызваленая з гомельскай жаночай калоніі № 4 пасля адбыцця пакарання. Жанчына да затрымання жыла ў Мінску і мае дваіх непоўнагадовых дзяцей. Пасля вызвалення яе дэпартавалі ў Расійскую Федэрацыю. Верагодна, яна грамадзянка Расіі.

"Раскідвалі самарэзы каля пракуратуры Мінска". Пракурорка просіць зняволенне і "хатнюю хімію"

Суд Фрунзенскага раёна Мінска разглядае крымінальную справу ў дачыненні да двух мінчанак, якіх абвінавачваюць у здзяйсненні злачынства, прадугледжанага часткай 2 артыкула 339 Крымінальнага кодэксу (злоснае хуліганства), а таксама ч.1 арт. 14 КК (замах на здзяйсненне злачынства).

У Мінску вынесены прысуд па справе раскіданых самарэзаў

Суддзя выносіць прысуд: Анастасіі Нікіцінай адзін год і адзін месяц пазбаўлення волі ў калоніі агульнага рэжыму, Святлане Лабунскай - паўтара гады абмежавання волі без накіравання ва ўстанову адкрытага тыпу.