Анастасія Ганчарэвіч
Дата нараджэння: 24 красавіка 1978
Дата затрымання: 1 лютага 2022
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 368 Крымінальнага кодэкса — Абраза прэзідэнта Рэспублікі Беларусь
арт. 361-4 Крымінальнага кодэкса — Садзейнічанне экстрэмісцкай дзейнасці
Вынік суда: 4 гады і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Суддзя: Ланчава Ірына
Месца зняволення: ПК № 4
Анастасія Леанідаўна Ганчарэвіч была затрымана 1 лютага 2022 года супрацоўнікамі ГУБАЗіКа, калі яна з мужам збіралася ехаць на працу. Дома ў Анастасіі адбыўся ператрус.
Яе змясцілі ў СІЗА-1, пасля перавялі ў магілёўскую Турму № 4.
Вядома, што спачатку жанчыну абвінавачвалі толькі паводле арт. 342 Крымінальнага кодэкса (групавыя дзеянні, якія груба парушаюць грамадскі парадак), аднак у выніку яе прызналі вінаватай не толькі паводле яго, але таксама паводле арт. 368 (абраза Лукашэнкі) і арт. 361-4 (садзейнічанне экстрэмісцкай дзейнасці). Суддзя Ірына Ланчава 26 кастрычніка 2022 г. прызначыла Анастасіі 4 гады і 6 месяцаў зняволення ў калоніі ва ўмовах агульнага рэжыму. Справу разглядалі ў Магілёўскім абласным судзе ў закрытым рэжыме.
Палітзняволеная адбывае пакаранне ў ПК № 4.
Палітзняволеную маці дваіх дзяцей асудзілі да 4,5 гадоў калоніі
