Аляксей Іванавіч Вячэрні — грамадзянін Беларусі, паводле нацыянальнасці ўкраінец, які нарадзіўся ў Чаркаскай вобласці. Удзельнічаў у рэспубліканскіх фестывалях народнай творчасці ў Беларусі. Выхоўвае 16-гадовага сына.

Згодна з матэрыяламі абвінавачання Вячэрні 20 сакавіка 2022 года, знаходзячыся па месцы жыхарства ў аграгарадку Вымна Віцебскага раёна, пры дапамозе мабільнага тэлефона ў сэрвісе Tik-Tok размясціў выраблены ім відэазапіс, у якім дапусціў у непрыстойнай і зняважлівай форме публічную абразу прэзідэнта. Старонка была прагледжаная не меней за 244 разы.

Аляксея абвінавацілі паводле арт. 368 Крымінальнага кодэксу. Суд Віцебскага раёна 8 ліпеня 2022 г. пакараў яго годам і дзевяццю месяцамі пазбаўлення волі ў калоніі агульнага рэжыму.

Аляксей утрымліваўся ў СІЗА-2. Палітвязень адбывае пакаранне ў івацэвіцкай ПК № 22.

Па падліках праваабаронцаў вызвалены восенню 2023 года.

Напісаў антываенны верш з абразамі прэзідэнта і запісаў яго ў Цік-Ток

Суд Віцебскага раёна 8 ліпеня разгледзеў крымінальную справу Аляксея Вячэрняга, абвінавачанага ў абразе прэзідэнта (ч.1 арт 368 Крымінальнага кодэкса).