Аляксей Вячаслававіч Шчарбацюк 3 жніўня 2021 года атрымаў адзін год калоніі строгага рэжыму па артыкуле 368 Крымінальнага кодэксу (Абраза прэзідэнта).

Яго абвінавацілі ў тым, што 15 траўня 2021 года, знаходзячыся нападпітку на балконе кватэры, крычаў "Жыве Беларусь!" і "Лукашенко — петух!" Абвінавачванне сцвярджала, што ён крычаў наўмысна гучна, каб яго крыкі чулі іншыя. Тым самым ён абразіў Лукашэнку.

Шчарбацюк быў узяты пад варту ў зале суда.

Паводле падлікаў праваабаронцаў, палітвязень скончыў адбываць пакаранне ў жніўні 2022 г.

Вядома, што 2 лютага 2023 г. над Аляксеем адбудзецца суд за "невыкананне патрабаванняў прэвентыўнага нагляду" (арт. 421 КК). Справу будзе разглядаць суддзя Алена Жуковіч. Гэта першы вядомы праваабаронцам выпадак, калі былога палітвязня збіраюцца судзіць паводле гэтага артыкула.

Год калоніі строгага рэжыму – за словы "Лукашенко – петух"

3 жніўня суд Савецкага раёна горада Мінска разгледзеў справу 42-гадовага Аляксея Шчарбацюка. Суддзя Фёдарава прызнала яго вінаватым у здзяйсненні злачынства, прадугледжанага ч.1 арт. 368 КК і асудзіла да года пазбаўлення волі ў калоніі строгага рэжыму. Бок дзяржабвінавачання падтрымаў пракурор Чабатароў. Шчарбацюк узяты пад варту ў залі суда.