Аляксей Павядайла

трэнер па плаванні

Дата нараджэння: 25 траўня

Дата затрымання: 4 лютага 2021

Прад'яўленыя абвінавачванні:

арт. 295 Крымінальнага кодэксу - Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў

Вынік суда: 2 гады

Від пакарання: пазбаўленне волі ў калоніі агульнага рэжыму

Суддзя: Раманюк Вольга

Пракурор: Ярашэвіч Аляксандр

Месца зняволення: ПК №17

Аляксей Ігаравіч Павядайла — трэнер-выкладчык па плаванні ў спартыўнай школе ў Баранавічах. Аляксея абвінавацілі па ч. 1 арт. 295-3 Крымінальнага кодэкса — "Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў". 

Паводле абвінавачвання, ён вырабіў, захоўваў і перавозіў у аўтамабілі "Аўдзі А6" гаручае рэчыва, з якой яго затрымалі 11 жніўня ў Баранавічах. Машыну тады спыніў патруль ДАІ, іх увагу прыцягнула балаклава ў багажніку. Аляксея затрымалі і на наступны дзень знайшлі гаручую сумесь. Сумесь была адпраўлена на экспертызу, і, згодна з яе вынікамі, склад сумесі быў блізкім да складу "кактэйлю Молатава". На судзе Павядайла пагадзіўся з тым, што перавозіў і захоўваў гэтую сумесь, але адмаўляў яе выраб. Паводле яго слоў, ён захоўваў і выкарыстоўваў яе для асабістых бытавых патрэбаў.

Чацвёртага лютага суд Баранавіцкага раёна пакараў яго 2 гадамі пазбаўлення волі.

У Баранавічах судзяць выкладчыка па плаванні за "кактэйль Молатава" ў багажніку аўто

У судзе Баранавічаў і Баранавіцкага раёна другога лютага пачаўся разгляд крымінальнай справы супраць Аляксея Павядайлы — трэнера-выкладчыка па плаванні ў мясцовай спартыўнай школе. Аляксея абвінавачваюць па ч. 1 арт. 295-3 Крымінальнага кодэкса — "Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў". Працэс вядзе суддзя Вольга Раманюк.

У Баранавічах на два гады пазбаўлення волі ў калоніі агульнага рэжыму асудзілі трэнера-выкладчыка па плаванні ў мясцовай спартыўнай школе Аляксея Павядайлу.

Менавіта столькі прасіў пракурор. Яго прызналі вінаватым у злачынстве па ч. 1 арт. 295-3 Крымінальнага кодэкса — "Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў".

Адрас для лістоў: ПК №17. 213004, г. Шклоў, вул. 1-я Заводская, 8

Палітвязні знаходзяцца па адрасах:

      Што варта ведаць і як дапамагчы?