Аляксей Дзмітрыевіч Мілеўскі быў затрыманы 3 траўня 2023 года і пакараны 15-суткавым адміністрацыйным арыштам паводле артыкула 19.11 КаАП (распаўсюд «экстрэмісцкай» прадукцыі). На свабоду ён так і не выйшаў, бо супраць яго ўзбудзілі крымінальную справу па ч. 1 арт. 342 Крымінальнага кодэксу (арганізацыя і падрыхтоўка дзеянняў, якія груба парушаючых грамадскі парадак, або актыўны ўдзел у іх) за каментары, якія ён пакідаў у інтэрнэце яшчэ ў 2020 годзе: "Набывайце феерверкі, шашкі, лазеры, каскі, шчыткі, рэспіратары і дамо адпор фашызму! Трэба дэцэнтралізаваць у кожным раёне выходзіць, блакаваць дарогі, паралізаваць увесь рух. Гэта эфектыўна, мірна, і проста зрабіць. Мянты тупа не праедуць, нам будзе вельмі лёгка перагрупавацца калі што".

Вядома, што Аляксей нарадзіўся ў Гомелі, працаваў экспедытарам, мае сярэдне-спецыяльную адукацыю. 

Аляксей утрымліваўся ў гомельскім СІЗА-3.

3 жніўня 2023 г. суддзя суду Савецкага раёна Гомеля Андрэй Папраўкін пакараў Аляксея годам пазбаўлення волі ў калоніі ва ўмовах агульнага рэжыму.

На 6 кастрычніка 2023 г. быў прызначаны разгляд апеляцыйнай скаргі Аляксея ў Гомельскім абласным судзе, пад старшынствам суддзі Сяргея Багінскага.

20 кастрычніка 2023 г. МУС дадала Аляксея ў "спіс экстрэмістаў". 

Палітвязень адбывае пакаранне ў ПК-22. 

Cтаў вядомы прысуд гамельчуку, затрыманаму за каментары ў сацыяльных сетках

Гомельскі суддзя Андрэй Папраўкін пакараў Аляксея Мілеўскага годам пазбаўлення волі ў калоніі ва ўмовах агульнага рэжыму.