Аляксей Барысавіч Мацявін быў затрыманы ў межах крымінальнай справы аб абразе Лукашэнкі (арт. 368 Крымінальнага кодэксу) у сацыяльных сетках.

Нарадзіўся ў Іжэўску, але апынуўся ў Беларусі, скончыў аршанскую медвучэльню і апошнія 15 гадоў працаваў фельчарам у віцебскай паліклініцы № 7. Жанаты, мае 13-гадовае дзіця. Да затрымання Аляксей актыўна карыстаўся сацыяльнымі сеткамі, пакідаў каментары з ацэнкамі дзейнасці розных прадпрыемстваў, установаў і гандлёвых аб’ектаў Віцебску.

12 жніўня 2022 г. у судзе Першамайскага раёну Віцебска быў вынесены прысуд. Суддзя Юрый Урбан прызнаў мужчыну вінаватым і асудзіў яго на паўтара года калоніі за каментар у тэлеграм-чаце, прызнаным экстрэмісцкім.

Па падліках мусіў выйсці на волю 26 снежня 2023 г. 

Віцебск: за "няправільны" каментар пра Лукашэнку палітвязню прысудзілі паўтара года калоніі

Паводле матэрыялаў следства, Аляксей Мацявін "супрацьпраўна падрыхтаваў і апублікаваў тэкст з негатыўнай ацэнкай Аляксандра Лукашэнкі, які ўтрымліваў ненарматыўныя формы маўлення", чым нанёс яму публічную абразу. Паводле абвінавачванага, на той момант ён не ведаў, што тэлеграм-канал «Витебск 97%» прызнаны экстрэмісцкім, і падпісаўся на яго з разлікам знаёміцца з мясцовымі навінамі.