Аляксей Лаўскі
Дата нараджэння: 17 жніўня 1985
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Суддзя: Ачалава Анастасія
Пракурор: Загароўская Вікторыя
Аляксей Лаўскі жыхар Мінска. Яму 36 год.
Яго асудзілі ў судзе Ленінскага раёна Мінска 30 снежня 2021 года да трох гадоў "хіміі" за ўдзел у пратэстах 2020 года. За ўдзел у двух Маршах 23 і 30 жніўня 2020 года — "Маршы новай Беларусі" і "Маршы міру і незалежнасці" — яго абвінавацілі ў актыўным удзеле ў дзеяннях, якія груба парушаюць грамадскі парадак, паводле ч. 1 арт. 342 Крымінальнага кодэкса. Доказамі па справе выступалі фота і відэа з тэлефонаў і ноўтбука Лаўскага. Аляксея два з паловай месяцы ўтрымлівалі пад вартай, а пасля абвяшчэння прысуду выпусцілі на волю да накіравання на "хімію". Справу разглядала суддзя Анастасія Ачалава, дзяржабвінавачванне падтрымлівала В. Загароўская.
Пасля вынясення прысуду пакінуў Беларусь.
Тры гады "хіміі" — за ўдзел у двух жнівеньскіх масавых Маршах
