Аляксей Кандраценка

Дата нараджэння: 16 лютага 1999

Дата затрымання: 2 верасня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 14 ліпеня 2022

Суддзя: Жуковіч Алена

Месца зняволення: Папраўчая ўстанова адкрытага тыпу № 43

Заява аб прызнанні палітвязнем

Аляксей Васільевіч Кандраценка быў асуджаны да двух гадоў абмежавання волі з накіраваннем у папраўчую ўстанову адкрытага тыпу ("хімія") за ўдзел у счэпцы падчас паслявыбарчай акцыі пратэсту. Аляксея прызналі вінаватым паводле 342 артыкула Крымінальнага кодэксу (групавыя дзеянні, груба парушаючыя грамадскі парадак).

З 14 ліпеня 2022 года адбывае пакаранне.

Трох мінчукоў асудзілі да двух гадоў "хіміі" за счэпку на акцыі пратэсту пасля выбараў

У судзе Савецкага раёна Мінска 17 студзеня да двух гадоў "хіміі" за ўдзел у акцыі пратэсту пасля выбараў асудзілі трох мінчукоў. Суддзя Алена Жуковіч асудзіла палітвязня Мікіту Саснова, Аляксея Кандраценку і Ягора Ж. па арт. 342 Крымінальнага кодэкса (удзел у дзеяннях, якія груба парушаюць грамадскі парадак). Усіх ідэнтыфікавалі па фотаздымку ў счэпцы 9 жніўня 2020 году. Усе трое ўтрымліваліся пад вартай у СІЗА-1 па некалькі месяцаў, а пасля абвяшчэння прысуду іх вызвалілі ў зале суда і адпусцілі на волю да накіравання ў папраўчую ўстанову адкрытага тыпу.