Аляксей Ігаравіч Качанаў быў затрыманы па крымінальнай справе, распачатай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Да суда яго змясцілі ў жодзінскі СІЗА.

У Гомельскім абласным судзе 22 жніўня 2022 г. адбыўся разгляд справы 31-гадовага палітвязня. Аляксея Качанава прызналі вінаватым паводле двух артыкулаў Крымінальнага кодэкса: арт. 369 (абраза прадстаўніка ўлады) і арт. 130 (распальванне іншай сацыяльнай варожасці). Суд праходзіў у закрытым рэжыме, таму падрабязнасці справы невядомыя.

У выніку суддзя Вячаслаў Калюка асудзіў палітвязня да аднаго года і чатырох месяцаў калоніі. Аляксей ужо адбыў гэты тэрмін падчас следства — за кратамі ён знаходзіўся з 30 верасня 2021 года, і пасля вынясення прысуду яго выпусцілі з залы суда.