Аляксей Валер'евіч Губіч – 24-гадовы інжынер з Гомеля. Ён быў абвінавачаны па артыкуле 364 КК (Гвалт альбо пагроза прымянення гвалту ў дачыненні да супрацоўніка органаў унутраных спраў). Затрымалі Аляксея 20 кастрычніка 2020 года.

Справа датычылася акцыі 20 верасня ў Гомелі “Марш справядлівасці”, дзе ўдзельнічаў Аляксей. Згодна з абвінавачваннем, ён нібыта здзейсніў гвалт у дачыненні да інспектара крымінальна-выканаўчай інспекцыі Паўла Шапавалава.

Разгляд яго справы зрабілі закрытым. Калі на судзе праглядалі відэа моманту падзення інспектар Шапавалава, высветлілася, што ў той момант Губіча ўвогуле не было побач. Тады Аляксея абвінавацілі ва ўжыванні гвалту ў адносінах да іншага праваахоўніка — нейкага «Іванова І. І.», супрацоўніка Амапу, якому малады чалавек нібыта нанёс «не менш аднаго ўдару».

4 лютага 2021 года суд Цэнтральнага раёну Гомля прызнаў вінаватым і пакараў Губіча пазбаўленнем волі на тры гады.

Маці Аляксея Губіча распавяла, што ён мае рэдкае захворванне вачэй — кератаконус. Калі не зрабіць у час апэрацыю, хвароба прывядзе да слепаты. Аперацыю планавалі зрабіць мінулай восенню, але ён апынуўся ў турме.

28 чэрвеня Аляксей выйшаў на волю з магілёўскай калоніі № 15, цалкам адбыўшы тэрмін.

"Завязалася бойка, адзін з міліцыянтаў зваліўся на асфальт". У Гомелі пачаўся суд над Аляксеем Губічам

У Цэнтральным судзе Гомеля 28 студзеня распачаўся суд над 24-гадовым Аляксеем Губічам, якога вінавацяць па артыкуле 364 КК РБ (Гвалт альбо пагроза прымянення гвалту ў дачыненні да супрацоўніка органаў унутраных спраў).

"Завязалася бойка, у выніку зваліўся на асфальт міліцыянт": Гамельчука пакаралі пазбаўленнем волі на тры гады

4 лютага суд Цэнтральнага раёну Гомля прызнаў вінаватым і пакараў Губіча пазбаўленнем волі на тры гады. Таксама ён мусіць выплаціць 300 рублёў кампэнсацыі пацярпеламу. Адвакат заявіў журналістам, што працягне барацьбу за Аляксея, які, на яго думку, абсалютна невінаваты.