Аляксей Грыгаровіч
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 2 месяцы
Від пакарання: арышт
Суддзя: Шапавал Вольга
Пракурор: Краўцоў Раман
22-гадовага грузчыка кандытарскай фабрыкі “Віцьба” Аляксея Дзмітрыевіча Грыгаровіча прызналі вінаватым паводле арт. 369 Крымінальнага кодэкса і асудзіла да пазбаўлення волі тэрмінам шэсць месяцаў з умоўным непрымяненнем пакарання, згодна з арт. 78 Крымінальнага кодэкса. Гэта значыць, што калі цягам года ён, знаходзячыся пад наглядам, не здзейсніць нічога, што ўладзе падасца “злачынным”, яго не пазбавяць волі, а таксама здымуць судзімасць.
Бок дзяржабвінавачання падтрымліваў памочнік пракурора Раман Краўцоў.
Дзяржабвінаваўца Раман Краўцоў прасіў прызнаць абвінавачанага вінаватым паводле арт. 369 Крымінальнага кодэкса і пакараць яго штрафам у памеры 110 базавых велічыняў (3520 рублёў). Але з улікам таго, што ён адсядзеў трое сутак у ІЧУ, паменшыць памер штрафа да 3200 рублёў.
1 лістапада 2022 года ў судзе Чыгуначнага раёна Віцебска вынеслі прысуд. Суддзя Вольга Шапавал вырашыла прызначыць Грыгаровічу паўгода пазбаўлення волі з адтэрміноўкай.
У студзені 2023 года ж была разгледжаная апеляцыя па справе, падчас якой Аляксею замянілі пакаранне на два месяцы арышту. Гэта значыць, неўзабаве ён паедзе адбываць пакаранне ў арыштны дом.
22-гадовага грузчыка, які разганяў пратэсты ў 2020-м, асудзілі за відэа ў TikTok
22-гадоваму грузчыку, які разганяў пратэсты ў 2020-м, замянілі пакаранне за абразу інспектара ДПС