Аляксей Віктаравіч Аляксейчык больш за 20 гадоў працаваў лекарам-трансплантолагам у Рэспубліканскім навукова-практычным цэнтры дзіцячай анкалогіі і гематалогіі. Ён зрабіў мноства аперацый па перасадцы касцявога мозгу і лічыцца адным з найлепшых спецыялістаў цэнтра. Яго абвінавацілі ў закліках да мер абмежавальнага характару (санкцый), ці іншых дзеяннях, накіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса) і змясцілі ў СІЗА-2.

У 2020-м супрацоўнікі Цэнтра адкрыта выступілі супраць гвалту з боку сілавікоў. У выніку ў лістападзе 2020-га была звольненая дырэктарка цэнтра Наталля Канапля, пасля чаго былі затрыманыя яшчэ некалькі супрацоўнікаў, у тым ліку і Аляксейчык.

Віцебскі абласны суд 16 лютага 2023 года прызнаў Аляксейчыка вінаватым і прызначыў яму пакаранне ў выглядзе пазбаўлення волі тэрмінам на два з паловай гады ва ўмовах агульнага рэжыму, паведамляе MAYDAYMog. Справу разглядаў суддзя Яўген Буруноў.

Разгляд апеляцыйнай скаргі прызначаны на 21 красавіка 2023 г. у Вярхоўным судзе.

5 траўня 2023 г. МУС уключыла палітзняволенага ў "Пералік грамадзян Беларусі замежных грамадзян і асоб без грамадзянства, якія маюць дачыненне да экстрэмісцкай дзейнасці".

Адбывае пакаранне ў ПК № 17.

Вядомага лекара-трансплантолага асудзілі ў Віцебску за заклікі да санкцый

Некалькі дзён Віцебскі абласны суд у закрытым рэжыме разглядваў крымінальную справу хірурга-трансплантолага Аляксея Аляксейчыка, абвінавачанага ў закліках да мер абмежавальнага характару (санкцый), ці іншых дзеяннях, накіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса).