Аляксандра Раманаўна Патрасаева нарадзілася ў вёсцы Вілейскага раёна, у 6 гадоў стала круглай сіратой. Выхоўвалася ў Чурлінскім вучэбна-педагагічным комплексе.

У ноч з 10 на 11 жніўня яна была затрыманая ў Мінску. Дзяўчына выйшла на вуліцу з намерам аказваць дапамогу пацярпелым ад дзеянняў сілавікоў, таму ўзяла з сабой рэспіратары, бінты і перакіс. Трапіла пад абстрэл і аблаву, спрабавала ўцячы, але натыкнулася на АМАП. Тры дні знаходзілася ў ізалятары на Акрэсціна, дзе перажыла катаванні: збіццё, знявагі, абразы, яе пагражалі згвалтаваць. Па яе расказах, яе прымушалі распранацца, уставаць на расцяжку і пры гэтым без перыпынку збівалі, прычым збіццём займалася жанчына. Затым яе адпусцілі.

Пасля Акрэсціна ў яе былі моцна траўмаваныя звязкі (у наступстве быў накладзены гіпс). Яе сяброўка пераканала дзяўчыну звярнуцца да лекара і паспрабаваць падаць заяву ў Следчы камітэт, але дзяўчатам адмовілі ў яе прыёме.

Вядома, што Аляксандра была затрыманая 16 кастрычніка 2020 года. Ёй прад'явілі абвінавачванне па артыкуле 293 Крымінальнага кодэкса ("Масавыя беспарадкі").

На судзе высветлілася, што справу перакваліфікавалі на арт. 342 Крымінальнага кодэксу (Актыўны ўдзел у групавых дзеяннях, груба парушаючых грамадскі парадак).

7 красавіка 2021 г. яе асудзілі на 3 гады абмежавання волі без накіравання ў папраўчую ўстанову адкрытага тыпу ("хатняя хімія").

Судовы працэс аб замене Аляксандры "хатняй хіміі" на "хімію" з накіраваннем ў папраўчую ўстанову адкрытага тыпу 16 студзеня 2023 г. адбыўся ў судзе Фрунзенскага раёну Мінска. Па яго выніках суддзя Андрэй Млечка вырашыў, што ў гэтым выпадку няма падставаў узмацняць пакаранне.

Палітзняволеную Аляксандру Патрасаеву асудзілі на тры гады "хатняй хіміі"

Суд вырашыў, што віна абвінавачанай была даказаная ў судовым працэсе, і прызначыў дзяўчыне пакаранне ў выглядзе абмежавання волі без накіравання ў папраўчую ўстанову тэрмінам на тры гады. Менавіта такі тэрмін прасіў прызначыць пракурор Фёдар Сініцкі.

Пракурор перакваліфікаваў абвінавачванне і запрасіў для Патрасаевай 3 гады "хатняй хіміі"

Пракурор Фёдар Сініцкі мяркуе,што дзеянні палітзняволенай можна перакваліфікаваць з ч. 2 арт. 293 на ч. 1 арт. 342 Крымінальнага кодэкса. Прасіў прызнаць Аляксандру Патрасаеву вінаватай і прызначыць ёй пакаранне ў выглядзе абмежавання волі без накіравання ў папраўчую ўстанову адкрытага тыпу тэрмінам на тры гады.

У Мінску пачаўся суд над палітзняволенай Аляксандрай Патрасаевай, якая перажыла катаванні

У судзе Маскоўскага раёна Менска пачаўся разгляд крымінальнай справы ў дачыненні да палітзняволенай Аляксандры Патрасаевай. Дзяўчыну абвінавачваюць па ч. 2 арт. 293 Крымінальнага кодэксу – удзел у масавых беспарадках. Ёй пагражае пазбаўленне волі на тэрмін ад трох да васьмі гадоў.