Аляксандр Анатольевіч Вялічка быў асуджаны па "справе карагодаў". У судзе Брэсцкага раёна 15 лістапада 2021 года яму вынеслі прысуд паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

16 траўня 2024 года ў судзе Савецкага раёна г. Гомеля будзе разгледжана справа "Аб пераводзе асуджанага да пакарання ў выглядзе абмежавання волі з накіраваннем у папраўчую ўстанову адкрытага тыпу для адбывання пакарання ў выглядзе абмежавання волі без накіравання ў папраўчую ўстанову адкрытага тыпу". Справу будзе разглядаць суддзя Мажэйка Святлана.

Да 1,5 года калоніі: у Брэсце асудзілі дзявятую і дзясятую партыю па "справе карагодаў"

У судзе Брэсцкага раёна 15 лістапада 2021 года па "справе карагодаў" вынеслі прысуды адразу 15 берасцейцам. Іх усіх прызналі вінаватымі па ч. 1 арт. 342 Крымінальнага кодэкса (удзел у дзеяннях, якія груба парушаюць грамадскі парадак).