Аляксандр Аляксандравіч Строкаў, які знаходзіцца на вайсковай службе, быў абвінавачаны ў дзеяннях, зробленых яшчэ ў той час, калі ён быў грамадзянскай асобай і жыхаром Жлобіна. Паводле дадзеных гомельскіх праваабаронцаў, хлопец навучаўся ў Жлобінскім дзяржаўным металургічным каледжы па спецыяльнасці «Металургічная вытворчасць і матэрыялаапрацоўка» са спецыялізацыяй «Электраметалургія чорных і каляровых металаў». Асудзілі яго па ч. 1 арт. 342 Крымінальнага кодэкса.

Суд Жлобінскага раёна 11 траўня 2023 года вынес прысуд – два месяцы арышту на гаўптвахце. Справу разглядала суддзя Святлана Рубахава.

2 чэрвеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Два месяцы арышту на гаўптвахце – ваеннаслужачаму са Жлобіна за ўдзел у пратэсных акцыях 2020 года

Суд Жлобінскага раёна 11 траўня 2023 года вынес прысуд ваеннаслужачаму Узброеных сіл Беларусі Аляксандру Строкаву за ўдзел у пратэсных акцыях у 2020 годзе, калі яшчэ ён не быў прызваны ў войска.