Аляксандр Аляксандравіч Пятрашка быў затрыманы ў Гродне па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Аляксандр праходзіць па крымінальнай справе па артыкулах 369 КК (Абраза прадстаўніка ўлады) і 130 КК (Распальванне сацыяльнай варожасці).

Пасля затрымання знаходзіўся ў ІЧУ на Акрэсціна, пазней быў пераведзены ў жодзінскую следчую турму №8, а пасля — у гродзенскую Турму № 1.

Суддзя Гродзенскага абласнога суда Васіль Скок 22 чэрвеня 2022 г. прызнаў Аляксандра вінаватым і асудзіў яго на паўтара года пазбаўлення волі ў калоніі агульнага рэжыму. Вядома, што Аляксандр прызнаў сваю віну. 

14 чэрвеня 2022 г. КДБ унёс палітвязня ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Паводле падлікаў праваабаронцаў, Аляксандр мусіў выйсці на волю ў лістападзе 2022 г.