Аляксандр Іванавіч Перапечка — жыхар Слуцка, абвінавачаны па ч. 1 арт. 339 (Хуліганства) за тое, што 4 жніўня рассыпаў "вожыкі" на тэрыторыі каля будынка Слуцкага РАУС.

У выніку былі пашкоджаныя шыны аўтамабіляў двух супрацоўнікаў міліцыі, на месцы канфіскавалі 38 будаўнічых шрубаў, а дзеянні жыхара Слуцка кваліфікавалі як хуліганства. 

Пракурор папрасіў суд 5 студзеня 2021 года пакараць случака абмежаваннем свабоды без накіравання ў папраўчую ўстанову адкрытага тыпу тэрмінам на 1 год і 6 месяцаў. Але суддзя Аляксандр Шутко 6 студзеня 2021 года прызначыў больш жорсткае пакаранне і асудзіў яго да абмежавання свабоды з накіраваннем у папраўчую ўстанову адкрытага тыпу тэрмінам на 1 год.

Яго накіравалі адбываць пакаранне ў ПУАТ №7 пад Пружаны.

Аляксандр цалкам адбыў пакаранне і 18 студзеня 2022 выйшаў на волю.

Cлучака пакаралі годам "хіміі" за раскіданыя шрубы каля будынка РАУС

У сераду, 6 студзеня, суд Слуцкага раёна вынес прысуд па крымінальнай справы па ч. 1 арт. 339 Крымінальнага кодэкса (хуліганства) у дачыненні да 34-гадовага случака. Суддзя Аляксандр Шутко пакараў яго годам "хіміі". Мужчыну абвінавацілі ў тым, што ён вечарам 4 жніўня пасля адмененага ўладамі мітынгу Святланы Ціханоўскай рассыпаў "вожыкі" на тэрыторыі каля будынка Слуцкага РАУС. У выніку былі пашкоджаныя шыны аўтамабіляў двух супрацоўнікаў міліцыі, на месцы канфіскавалі 38 будаўнічых шрубаў, а дзеянні жыхара Слуцка кваліфікавалі як хуліганства. У судзе пацярпелыя заявілі, што не маюць прэтэнзій.