Аляксандр Сяргеевіч Патаповіч - жыхар Ваўкавыска, асуджаны па артыкуле 364 Крымінальнага кодэксу (Гвалт у дачыненні да супрацоўнікаў міліцыі).

Згодна з абвінавачваннем, 9 жніўня пасля 23.00 ён паспрабаваў наехаць на двух супрацоўнікаў ваўкавыскай міліцыі з мэтай перашкодзіць іх працы падчас несанкцыянаванага мерапрыемства, а таксама, каб адпомсціць. Абвінавачаны сваёй віны ў наездзе на міліцыянтаў не прызнаў і адзначыў, што ніякіх прычын для помсты міліцыі ён не мае, а ад палітыкі ўвогуле далёкі.

Суд Ваўкавыскага раёна 26 сакавіка 2021 года пакараў Патаповіча 2 гадамі і 6 месяцамі “хіміі”. Але дзяржабвінаваўца вырашыў аспрэчыць прысуд суда першай інстанцыі, і першага чэрвеня ў Гарадзенскім абласным судзе было прынята новае рашэнне аб замене пакарання на 2 гады і 6 месяцаў пазбаўлення волі. Адбываў тэрмін у ПК № 1. 

Па падліках праваабаронцаў вызваліўся ў 2023 г.

23-гадовага жыхара Ваўкавыска судзяць за наезд на міліцыянтаў, у якіх няма пашкоджанняў

У Ваўкавыску пачаўся разгляд крымінальнай справы Аляксандра Патаповіча за гвалт у дачыненні да міліцыянта (арт. 364 КК РБ). Патаповіча абвінавачваюць у тым, што 9га жніўня пасля 23.00 ён паспрабаваў наехаць на двух супрацоўнікаў ваўкавыскай міліцыі з мэтай перашкодзіць іх працы падчас несанкцыянаванага мерапрыемства, а таксама, каб адпомсціць.

Справа Аляксандра Патаповіча: Сведак дапыталі паўторна, бо шмат супярэчнасцяў у паказаннях

У судзе Ваўкавыскага раёна 11 лістапада працягнуўся разгляд крымінальнай справы Аляксандра Патаповіча, якога вінавацяць у гвалтоўных дзеяннях у дачыненні да супрацоўнікаў міліцыі (арт. 364 КК РБ). Справу разглядае суддзя Леанард Дзіўнель. Пацярпелыя – Уладзімір Буйніцкі і Алег Вікторка.

Суд над Патаповічам: згадка пра белую кашулю і хвароба пацярпелага

У судзе Ваўкавыскага раёна ў чацвер, 19 лістапада, працягнуўся разгляд крымінальнай справы Аляксандра Патаповіча, якога вінавацяць у гвалтоўных дзеяннях у дачыненні да супрацоўнікаў міліцыі (арт. 364 КК РБ).

Доўгая ваўкавыская справа завяршылася: Патаповічу - два з паловай гады "хіміі"

У судзе Ваўкавыскага раёна 29 сакавіка нарэшце вынесены прысуд па крымінальнай справе Аляксандра Патаповіча, якога вінавацілі па арт. 364 КК РБ (гвалт альбо пагроза прымянення гвалту ў дачыненні да супрацоўніка органаў унутраных спраў).

Яшчэ аднаго асуджанага Гарадзенскі абласны суд замест "хіміі" адправіў у калонію

Гарадзенскі абласны суд замяніў прысуд жыхару Ваўкавыска Аляксандру Патаповічу, асуджанаму па артыкуле 364 Крымінальнага кодэксу (Гвалт у дачыненні да супрацоўнікаў міліцыі). Замест двух з паловай гадоў абмежавання волі з накіраваннем у папраўчую ўстанову (“хімія”) мужчыне прызначылі два з паловай гады калоніі агульнага рэжыму.