Аляксандр Анатольевіч Палівода — жыхар вёскі Вельямовічы Брэсцкага раёна, асуджаны 24 сакавіка 2021 года на 1 год абмежавання волі з накіраваннем у папраўчую ўстанову адкрытага тыпу ("хімія") па артыкуле аб абразе дзяржаўнага сцяга (арт. 370 Крымінальнага кодэксу).

Паводле абвінавачання, у студзені 2021 г. Палівода сарваў дзяржаўны сцяг з будынка мясцовай школы і выкінуў яго непадалёк. У рамках гэтай крымінальнай справы ў абвінавачанага арыштавалі тэлефон і ўзялі падпіску аб нявыездзе.

З 20 траўня 2021 г. пачаў адбываць пакаранне ў папраўчай установе адкрытага тыпу №48. Аляксандр цалкам адбыў тэрмін і 19 траўня 2022 г. выйшаў на волю.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Чарговая "хімія" за здзек над дзяржаўным сцягам на Берасцейшчыне

Суд Берасцейскага раёна 24 сакавіка 2021 года вынес прысуд па крымінальнай справе жыхара вёскі Вельямовічы Аляксандра Паліводы за здзек над дзяржаўнай сімволікай (артыкул 370 Крымінальнага кодэксу РБ).