27 чэрвеня 2022 года ў Гомельскім абласным судзе вынесены вырак Аляксандру Пятровічу Новікаву. Яго прызналі вінаватым паводле ч. 1 арт. 130 (у рэдакцыі Закона Рэспублікі Беларусь ад 5 студзеня 2015 года № 241-3) і ч. 1 арт. 179* (у рэдакцыі Закона Рэспублікі Беларусь ад 18 ліпеня 2019 года № 220-3) Крымінальнага кодэкса. Яго прызналі вінаватым у распальванні іншай сацыяльнай варожасці і розні, незаконным зборы і распаўсюду звестак пра асабістае жыццё.

Суддзя Аляксандр Піскуноў асудзіў яго да двух гадоў пазбаўлення волі ў калоніі агульнага рэжыму. Справу разглядалі ў закрытым рэжыме. Канчатковае пакаранне прызначанае шляхам паглынання менш строгага пакарання больш строгім: яго асудзілі да трох месяцаў арышту паводле арт. 179 і да двух гадоў пазбаўлення волі — паводле арт. 130.

Утрымліваўся ў СІЗА-3. Адбывае пакаранне ў ПК-3. 

* Арт. 203-1 («Незаконныя дзеянні ў адносінах да інфармацыі пра прыватнае жыццё і персанальныя дадзеныя») быў унесены ў Крымінальны кодэкс толькі пасля падзей у жніўні 2020 года (пачаў дзейнічаць з 19 чэрвеня 2021 года), таму Аляксандра Новікава судзілі паводле арт. 179 Крымінальнага кодэкса, які цяпер выключаны з яго. Але, адпаведна, на момант, калі мужчына разгалошваў дадзеныя, дзейнічала забарона на гэтыя дзеянні, вызначаная арт. 179 Крымінальнага кодэкса.