Аляксандр Кутас

Дата нараджэння: 15 чэрвеня 1962

Дата затрымання: 1 снежня 2021

Прад'яўленыя абвінавачванні:

арт. 342-2 Крымінальнага кодэкса — Неаднаразовае парушэнне парадку арганізацыі або правядзення масавых мерапрыемстваў

Вынік суда: 1 год

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 21 верасня 2022

Суддзя: Блізнюк Юлія

Аляксандр Кутас

Аляксандр Уладзіміравіч Кутас — бяздомны з Мінску, быў затрыманы паводле артыкула 342-2 Крымінальнага кодэкса за «неаднаразовае парушэнне парадку правядзення масавых мерапрыемстваў». 

Пра Кутаса вядома, што яго 10 разоў кідалі на «суткі» па арт. 24.23 КаАП (несанкцыянаванае пікетаванне) у 2021 годзе. Пратаколы на яго складалі за плакаты, на якіх звычайна быў намалёваны сцяг БССР і напісаныя просьбы аб дапамозе. Але аднойчы яго затрымалі за БЧБ-плакат з надпісам: «Вярніце мне дзяцінства, юнацтва мне вярніце, і першае каханне. Дапамажыце забыць лагера і няхай жыве Народная Рэспубліка Беларусь». На Акрэсціна Кутас правёў мінімум 130 сутак арышту. Звычайнае месца затрымання Аляксандра — станцыя метро «Каменная Горка». Там яго месца «заробку». Цэлы дзень ён сядзеў з ламініраванымі таблічкамі, дзякуючы якім і «зарабляў» сабе на жыццё. Аляксандра часам можна было сустрэць з маленькімі жывёламі. Вядома, што Кутас правёў 22 гады ў месцах пазбаўлення волі.

У судзе Фрунзенскага раёна Мінска 2 сакавіка 2022 года Аляксандра асудзілі да аднаго года калоніі агульнага рэжыму.

У сярэдзіне чэрвеня 2022 г. стала вядома аб пераводзе Аляксандра з СІЗА-1 у гомельскі СІЗА-3.

21 верасня 2022 Аляксандр Кутас быў вызвалены. 

МУС 28 кастрычніка 2022 г. уключыў былога палітзняволенага ў "Пералік асобаў, датычных да экстрэмісцкай дзейнасці".

У Мінску бяздомнага асудзілі да года калоніі за "неаднаразовае парушэнне парадку пікетавання"

Суд праходзіў па арт. 342-2 Крымінальнага кодэкса за "неаднаразовае парушэнне правядзення масавых мерапрыемстваў". Гэта новы артыкул Крымінальнага кодэкса, які дзейнічае з 18 чэрвеня 2021 года. Аляксандр Кутас — першы асуджаны па ім. У 2021 годзе мужчыну арыштоўвалі дзесяць разоў па "народным артыкуле" 24.23 КаАП за тое, што ён збіраў міласціну ў пераходах метро з дапамогай таблічак з надпісамі. Справу палітзняволенага разглядала суддзя Юлія Блізнюк.

Супраць бяздомнага, якога 10 разоў арыштоўвалі па «народным артыкуле», завялі крыміналку за неаднаразовае «несанкцыянаванае пікетаванне»

У Следчым камітэце заявілі, што ўзбудзілі дзве справы паводле артыкула 342-2 Крымінальнага кодэкса за «неаднаразовае парушэнне правядзення масавых мерапрыемстваў». Гэта першыя вядомыя выпадкі пасля зменаў улетку гэтага года ў Крымінальны кодэкс, калі за неаднаразовы ўдзел у несанкцыянаваных масавых мерапрыемствах беларусаў прыцягваюць да крымінальнай адказнасці. Па гэтым артыкуле прадугледжваецца адказнасць у выглядзе арышта, абмежвання ці пазбаўлення волі тэрмінам до трох гадоў.

Палітвязні знаходзяцца па адрасах: