Аляксандр Сяргеевіч Кухаронак — адзін з працаўнікоў Беларускага незалежнага прафсаюза на ААТ "Нафтан". Сыйшоў у стачку ў 2020 годзе.

Аляксандра Кухаронка амапаўцы затрымалі ў вёсцы Росіца Верхнядзвінскага раёна. Ператрусы прайшлі на кватэры Кухаронка ў Наваполацку, ягоных бацькоў у Наваполацку, а таксама ў вёсцы Росіца. Пакуль вядома, што ён абвінавачваецца паводле артыкула 361 Крымінальнага кодэкса (частка невядомая).

Раней паведамлялася, што сярод затрыманых таксама і жонка Аляксандра – яна на волі. У сям'і – двое непаўнагадовых дзяцей.

Аляксандр Кухаронак – адзін з самых першых, хто ў 2020 годзе абвясціў стачку на прадпрыемстве. Яго таксама арыштоўвалі па адміністрацыйнай справе – у 2021 годзе ён адбыў 20 сутак арышту паводле арт. 24.23 КаАП.

Утрымліваўся ў СІЗА № 2, актуальны адрас высвятляецца. 

Новыя акалічнасці затрымання наваполацкіх актывістаў Брыцікавай і Кухаронка

Праваабаронцам “Вясны” сталі вядомыя новыя акалічнасці затрымання старшыні Беларускага незалежнага прафсаюза на ААТ «Нафтан» Вольгі Брыцікавай і аднаго з працаўнікоў аб’яднання, які сыйшоў у стачку ў 2020 годзе Аляксандра Кухаронка.

На стачкамаўцаў "Нафтана" Брыцікаву і Кухаронка завялі крымінальныя справы, яны затрыманыя

Супрацоўнікі АМАПу меркавана 11 жніўня ў весцы каля Наваполацку затрымалі былую старшыню незалежнага прафсаюзу ААТ «Нафтан» і актывістку Вольгу Брыцікаву і стачкамаўца “Нафтана” Аляксандра Кухаронка.