Аляксандр Дзмітрыевіч Казакевіч — музыка з Маладзечна, затрыманы 12 красавіка 2022 пасля ператрусу ў доме. Яму выставілі абвінавачванне па арт. 369 Крымінальнага кодэкса (абраза прадстаўніка ўлады). Мужчыну перавялі ў жодзінскую турму.

Раней Аляксандр граў у гурце "Канфлікт".

5 ліпеня 2022 г. распачаўся разгляд справы Аляксандра. 19 ліпеня 2022 г. у судзе Маладзечна і Маладзечанскага раёна суддзя Вольга Дубовік асудзіла палітвязня на паўтара года абмежавання волі без накіравання ў ПУАТ — "хатняй хіміі". Аляксандра Казакевіча вызвалілі ў зале суда.

Паводле наяўнай інфармацыі, 26 ліпеня 2022 г. Аляксандра зноў затрымалі. Стала вядома, што супраць яго зноў распачалі крымінальную справу паводле арт. 369 КК (абраза прадстаўніка ўлады) — хлопец нібыта абразіў яшчэ нейкага прадстаўніка ўлады ў мінулым годзе. Яго змясцілі ў жодзінскі СІЗА.

Вядома, што 24 жніўня 2022 г. дома ў палітзняволенага адбыўся ператрус.

26 верасня ў судзе Маладзечна і Маладзечанскага раёна вынесены другі прысуд палітвязню. Суддзя Дзяніс Барэйка прызнаў яго вінаватым паводле арт. 369 Крымінальнага кодэкса ("Абраза прадстаўніка ўлады") і агучыў вырак: два гады абмежавання волі без накіравання ў ПУАТ — "хатняй хіміі".

Верагодна, гэтае пакаранне атрыманае шляхам частковага складання з мінулым прысудам палітвязня, калі яго па тым жа артыкуле асудзілі на паўтара года абмежавання волі без накіравання ў ПУАТ — "хатняй хіміі".

Аляксандр знаходзіцца за межамі Беларусі.

Палітвязня Аляксандра Казакевіча асудзілі да двух гадоў "хатняй хіміі"

Аляксандра вызвалілі ў залі суда.

Паўтара года "хатняй хіміі" — за тры каментары

Пацярпелымі па справе былі прызнаныя тры чалавекі. Аляксандр мусіць выплаціць 2000 рублёў ім у якасці кампенсацыі маральнай шкоды.

Гісторыі з жыцця палітзняволенага маладзечанца Аляксандра Казакевіча

Калі запытацца ў маці палітзняволенага маладзечанца Аляксандра Казакевіча Алены, як лепш называць ейнага сына, яна ўсміхнецца: «Для брата ён Шурык, для сяброў – Роб, а дзядуля ўвогуле казаў, што няма такога беларускага імя – Саша, таму называў яго Алесікам. Але Сашка і ёсць Сашка».