Аляксандру Кандорскаму 33 гады, ён працуе вадзіцелем-экспедытарам у прыватнай фірме, мае двух дзяцей і вельмі добрыя характарыстыкі.

Судовае пасяджэнне ўзначальвала суддзя Ірына Прадун. Дзяржабвінаваўца - Папоў.

Справа, па якой асудзілі мужчыну, была распачатая ў Віцебску яшчэ у 2020-м годзе за абразу міліцыянта Вольніча, але потым яе перадалі ў Рагачоўскі РОСК. Каментар Аляксандра Кандорскага прычыніў яму «крыўду, сорам, горыч, абурэнне». У выніку, па словах міліцыянта, яму нават прыйшлося звярнуцца па дапамогу да псіхолага. Пацярпелы заявіў, што ў якасці маральнай кампенсацыі за абразу ён патрабуе 1500 рублёў.

22 снежня суд Рагачоўскага раёна вынес вырак. Аляксандра Кандорскага прызналі вінным ў здзяйсненні злачынства па арт. 369 «Абраза прадстаўніка ўлады» і прысудзілі два гады абмежавання волі з накіраваннем у папраўчую установу адкрытага тыпу.

Два гады «хіміі» за каментар «на кол». Яшчэ аднаго беларуса судзілі за абразу міліцыянта Вольніча

22 снежня суд Рагачоўскага раёна вынес вырак па крымінальнай справе аб абразе прадстаўніка ўлады