Горбель Аляксандр Фёдаравіч быў асуджаны ў судзе Бабруйскага раёна і г. Бабруйска паводле ч. 1 арт. 368 КК (Абраза Лукашэнкі). 4 чэрвеня 2024 года справу разгледзела суддзя Серакова Вольга.

Вядома, што 15 лютага 2024 г. супраць Аляксандра быў разгледжаны адміністрацыйны пратакол па ч. 2 арт. 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць). Суддзя Тарабуева Таццяна падвергла Аляксандра адміністрацыйнаму спагнанню ў выглядзе адміністрацыйнага арышту тэрмінам на 15 сутак. Аляксандр на ўласнай старонцы ў Аднакласніках размясціў інфармацыйную прадукцыю ў выглядзе відэазапісу "Паглядзіце што засталося ад аднаго..." тэлеканала Белсат.

8 жніўня 2024 года Магілёўскі абласны суд разгледзіць апеляцыю на прысуд. Старшыня судовай калегіі Каралёў Сяргей.

16 жніўня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.