Чачура Аляксандр Уладзіміравіч 16 сакавіка 2023 г. быў затрыманы па крымінальнай справе, аднак на наступны дзень адпушчаны пад асабістае паручальніцтва.

Асуджаны судом Першамайскага раёна г. Мінска па арт. 369 Крымінальнага кодэкса Рэспублікі Беларусь. 1 чэрвеня 2023 г. справу разгледзеў суддзя Максім Трусевіч. Дзяржабвінавачанне падтрымала старшы памочнік пракурора Іна Зубко.

Аляксандр пакінуў каментар у дачыненні да Балабы. Аляксандр прызнаў віну і добраахвотна кампенсаваў нанесеную шкоду ў суме 2.000 рублёў. Мабільны тэлефон, як сродак учынення злачынства, быў канфіскаваны ў даход дзяржавы.

30 чэрвеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.