Аляксандр Яўгеньевіч Баброў — работнік на Беларускім металургічным заводзе ў Жлобіне.

17 жніўня ў знак пратэсту супраць фальсіфікацыі выбараў і гвалту супраць мірных пратэстоўцаў Аляксандр Баброў разам з іншымі работнікамі БМЗ перакрыў дарогу для тэхналагічнага транспарту на тэрыторыі завода.

У апошнім слове Баброў сказаў: "Віну прызнаю, раскайваюся, прашу жорстка не караць".

1 лютага 2021 года суд Жлобінскага раёна абвясціў прысуд Аляксандру Баброву: два з паловай гады пазбаўлення волі ў калоніі агульнага рэжыму.

16 верасня 2021 г. стала вядома, што Аляксандр Баброў трапіў пад памілаванне і яму змянілі пакаранне на абмежаванне волі без накіравання ў ПУАТ ("хатнюю хімію").

МУС 28 кастрычніка 2022 г. уключыў былога палітзняволенага ў "Пералік асобаў, датычных да экстрэмісцкай дзейнасці".

У Жлобіне асудзілі трох работнікаў БМЗ за спробу страйку

1 лютага 2021 года суд у Жлобіне прыйшоў да высновы, што віна траіх абвінавачаных даказаная цалкам.

Жлобін: пачаўся судовы працэс над актывістамі забастоўкі на БМЗ

У Жлобіне 28 снежня распачаўся крымінальны працэс над актывістамі забастоўкі на БМЗ Ігарам Поваравым, Аляксандрам Бабровым і Яўгенам Говарам. 17 жніўня на знак пратэсту супраць фальсіфікацыі выбараў і гвалту супраць мірных пратэстоўцаў яны разам з іншымі працаўнікамі перакрылі дарогу для тэхналагічнага транспарту на заводзе. Была ўзбуджаная крымінальная справа па ч. 1 арт. 342 КК РБ «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".

Суд над актывістамі забастоўкі на БМЗ: апытанне сведак і знікненне абвінавачанага Ігара Поварава

У Жлобіне 12 студзеня працягнуўся крымінальны працэс над актывістамі забастоўкі на БМЗ Ігарам Поваравым, Аляксандрам Бабровым і Яўгенам Говарам. 17 жніўня на знак пратэсту супраць фальсіфікацыі выбараў і гвалту супраць мірных пратэстоўцаў яны разам з іншымі працаўнікамі перакрылі дарогу для тэхналагічнага транспарту на заводзе. Была ўзбуджаная крымінальная справа па ч. 1 арт. 342 КК РБ «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".

Суд над актывістамі забастоўкі на БМЗ: усім траім - пазбаўленне волі ў калоніі агульнага рэжыму

Адвакат Поварава звяртае ўвагу суда на той факт, што паміж сабой некаторыя абвінавачаныя не былі знаёмая ўвогуле. Так, Повараў быў на заводзе, але ён не арганізатар забастоўкі, у першых шэрагах ён не ішоў, лозунгаў не выкрыкваў. На відэа бачна, што Повараў падыйшоў да скрэпавоза пасля таго, як той прыпыніўся. І гэта не абвяргаецца відэазапісамі. Не было паміж абвінавачваемымі ніякага зговару і арганізаваных групавых дзеянняў.