Аляксандр Віктаравіч Бабкін — жыхар Гродна, абвінавачаны па крымінальнай справе аб абразе прэзідэнта (артыкул 368 Крымінальнага кодэксу).

Справа супраць Бабкіна 25 красавіка 2021 г. была распачатая справа, трое сутак ён знаходзіўся ў ІЧУ, затым пад падпіскай аб нявыездзе да суда.

Паводле абвінавачвання, Бабкін, знаходзячыся ў алкагольным ап'яненні, патэлефанаваў на нумар 102 і зневажальна ды негатыўна выказаўся на адрас прэзідэнта, прынізіў ягоныя гонар і годнасць, тым самым нанёс публічную абразу. 

Бабкін віну прызнаў. 28 чэрвеня 2021 года яму прысудзілі год калоніі і прымусовае лячэнне ад алкагалізму. Мужчына быў узяты пад варту ў зале суда.

Аляксандр адбываў пакаранне ў ПК № 17 і, паводле інфармацыі праваабаронцаў, у чэрвені 2022 г. выйшаў на волю.

Справа Бабкіна: Набраў нумар міліцыі 102 і абразіў прэзідэнта

У судзе Кастрычніцкага раёна Гродна 28 чэрвеня адбыўся разгляд крымінальнай справы мясцовага жыхара Аляксандра Бабкіна, якога абвінавацілі у абразе прэзідэнта Беларусі (ч. 1 арт. 368 КК).