Аляксандр Аўдзяюк

Дата нараджэння: 11 траўня 1963

Дата затрымання: 2 лютага 2022

Прад'яўленыя абвінавачванні:

арт. 368 Крымінальнага кодэкса — Абраза прэзідэнта Рэспублікі Беларусь
арт. 367 Крымінальнага кодэкса — Паклёп у дачыненні да прэзідэнта Рэспублікі Беларусь

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 14 лістапада 2023

Суддзя: Марозаў Аляксандр

Аляксандр Мікалаевіч Аўдзяюк — жыхар Быхава, асуджаны на 2 гады пазбаўлення волі ў калоніі агульнага рэжыму за абразу і паклёп на Лукашэнку (арт. 368 Крымінальнага кодэксу і арт. 367 Крымінальнага кодэксу).

Паводле матэрыялаў справы, Аўдзяюк не пазней за жнівень 2021 года паставіў "клас" пад пастом у пабліку ў "Аднакласніках" "Мая краіна — вольная еўрапейская Беларусь". У допісе змяшчаўся фотаздымак Лукашэнкі і абразлівы надпіс, звязаны з абвінавачваннем у фашызме.

У ліпені 2022 г. Аляксандра перавялі з магілёўскага СІЗА у івацэвіцкую калонію № 5.

Выйшаў на волю 14 лістапада 2023 г. 

За абразу і паклёп на прэзідэнта жыхара Быхава асудзілі на два гады калоніі

Суд Быхаўскага раёна 1 красавіка разгледзеў крымінальную справу ў дачыненні да мясцовага жыхара Аляксандра Аўдзяюка. Яго абвінавацілі адразу па двух артыкулах Крымінальнага кодэкса: паклёп у дачыненні да прэзідэнта Рэспублікі Беларусь (ч. 1 арт. 367) і абраза прэзідэнта Рэспублікі Беларусь (ч. 1 арт. 368).

Палітвязні знаходзяцца па адрасах:

Падтрымаць «Вясну»