Аляксандр Антанюк

былы следчы

Дата нараджэння: 11 лістапада 1992

Дата затрымання: 2 лістапада 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 28 студзеня 2023

Суддзя: Скалковіч Марына

Аляксандр Аляксандравіч Антанюк быў затрыманы 2 лістапада 2021 года ў межах крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу), за ўдзел у акцыі пратэсту 13 верасня 2020 года ў Брэсце ("справа карагодаў").

Да ліпеня 2020 года працаваў следчым — прычыны яго звальнення невядомыя.

У судзе Маскоўскага раёна Брэста 16 сакавіка 2022 года суддзя Марына Скалковіч асудзіла яшчэ двух фігурантаў "справы карагодаў". Паводле версіі абвінавачвання, на кадрах мужчына ў акулярах і масцы быў абвінавачаным Антанюком. Пракурорка на судзе прадаставіла заключэнне судова-партрэтную экспертызу кадраў і фота, зробленых 13 верасня 2020 года на акцыі пратэсту. Аднак эксперты прыйшла да высновы, што толькі з верагоднасцю 16.5% можна сцвярджаць, што гэта быў Аляксандр Антанюк.

Аляксандру Антанюку прызначылі адзін год і шэсць месяцаў зняволення ў калоніі агульнага рэжыму.

У канцы траўня 2022 г. стала вядома, што Аляксандр быў этапаваны з СІЗА-7 у ПК № 3 (Віцьба).

Палітвязень цалкам адбыў тэрмін і 28 студзеня 2023 г. выйшаў на волю.

"Пусціўся ў слэм пад "Груз", а ў галаве былі ўспаміны пра тыдзень у халодным ШІЗА..." Вялікая размова з экс-следчым, асуджаным па "справе карагодаў"

"Вясна" паразмаўляла з былым палітвязнем пра працу следчым, папярэджанне за канцэрт Dzieciuki, затрыманне на праўладным мітынгу, успрыняцце кратаў з двух бакоў, пра тое, з якімі выклікамі прыходзілася сутыкацца ў зняволенні, каштоўнасць свабоды, "брэсцкі працэс" і многае іншае.

Апошняе слова экс-следчага Антанюка, якога судзілі па "карагоднай справе"

"Як казаў Платон, чалавек — гэта жывёла палітычная, мы заўсёды можам быць у палітыцы, нават калі, вось паглядзіце, я нічога не рабіў, а мяне ў карцар садзяць, мяне 11 дзён утрымліваюць у такіх умовах ІЧУ... Я звяртаю на гэта ўвагу, 2 гады назад гэта было злачынствам — начальнік ІЧУ гэта проста так кажа, і яму без розніцы. Але самае цікавае, што не звяртае пракуратура ўвагі да гэтага, і вось так паслядоўна з мяне робяць злачынца, навешваюць вось гэтую жоўтую бірку — хутка будзе жоўтая зорка Давіда, і мы паедзем усе ў канцэнтрацыйны лагер, я думаю".

Па "справе карагодаў" на паўтара года калоніі асудзілі палітзняволенага экс-следчага

Пракурорка далучыла да матэрыялаў справы дадзеныя мабільнага аператара, паводле якіх "13.09.2020 да 15: 30 тэлефон Антанюка рухаўся ў тых жа раёнах, што і калона пратэстоўцаў". А з 15:30 да 18:00 тэлефон Антанюка быў выключаны. Але як заўважылі брэсцкія праваабаронцы, перакрыццё дарогі пратэстоўцамі было ў прамежку з 16:40 да 17:35, а ў 15:30 пратэстоўцы яшчэ толькі збіраліся каля помніка 1000-годдзю горада.

Палітвязні знаходзяцца па адрасах:

Падтрымаць «Вясну»