Аляксандр Эдуардавіч Айнутдзінаў быў затрыманы ў ліпені 2022 года. Яго абвінавачваюць у спробе далучыцца да палка імя Кастуся Каліноўскага, а таксама ў яздзе на матацыкле без правоў.

Яму выставілі абвінавачанне паводле ч. 1 арт. 361-3 Крымінальнага кодэкса (Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўцы альбо падрыхтоўцы асоб да такога ўдзелу) і ч. 1 арт. 317-2 (Кіраванне транспартным сродкам асобай, якая не мае права кіравання).

У "пакаяльным" відэа мужчына распавядае пра тое, што 24 лютага, калі Расія распачала вайну ва Украіне, ён пачаў "чытаць розныя Telegram-каналы" і вырашыў далучыцца да палка імя Кастуся Каліноўскага, каб абараняць Украіну. Для гэтага Аляксандр спрабаваў незаконна перасекчы мяжу з Украінай, але быў затрыманы беларускімі памежнікамі.

4 лістапада 2022 г. у Гомельскім абласным судзе распачаўся разгляд справы. 16 лістапада суддзя Вячаслаў Калюка прызнаў мужчыну вінаватым і прызначыў яму 2 гады і 1 месяц зняволення ў калоніі ва ўмовах агульнага рэжыму. Таксама Аляксандра пазбавілі права кіраваць транспартнымі сродкамі на 5 гадоў.

МУС дадала палітзняволенага ў "спіс экстрэмістаў" 17 лютага 2023 г.

Цяперашняе месцазнаходжанне ўдакладняецца.

Яшчэ адзін прысуд у Гомелі: за спробу далучыцца да палка імя Кастуся Каліноўскага — два гады і адзін месяц калоніі

Мужчына пачаў "чытаць розныя тэлеграм-каналы" і вырашыў далучыцца да палка імя Кастуся Каліноўскага, каб абараняць Украіну. Для гэтага Аляксандр спрабаваў незаконна перасекчы мяжу з Украінай, але быў затрыманы беларускімі памежнікамі.

У Гомелі пачнуць судзіць Аляксандра Айнутдзінава за спробу далучыцца да палка Каліноўскага

Гомельскі абласны суд прызначыў дату разгляду крымінальнай справы 46-гадовага Аляксандра Айнутдзінава, якога абвінавачваюць у спробе далучыцца да палка імя Кастуся Каліноўскага, а таксама за язду на матацыкле без правоў.